Aksidenti në aksin Milot-Morinë, procedohet penalisht drejtuesi i mjetit

“Shërbimet e Njësisë së Policisë Rrugore Milot – Morinë referuan materialet në Prokurori, ku nisi procedimi penal në gjendje të lirë për shtetasin A. L., 22 vjeç, banues në Pejë, Kosovë, pasi, duke drejtuar automjetin, është përplasur me automjetin me drejtues shtetasin I. N., 48 vjeç, banues në Rrëshen, Mirditë. Si pasojë e aksidentit, 48-vjeçari ka marrë dëmtime të lehta dhe, pas mjekimit në spital, është larguar në banesë”, thuhet në njoftim. 

Aksident në aksin Vlorë - Himarë, përfundon në spital 26-vjeçari

Një aksident rrugor ka ndodhur sot në aksin Vlorë – Himarë, në zonën e Llamanit.

Në aksident janë përfshirë një automjet i markës “Porsche”, me targë AB697VC, i drejtuar nga shtetasi Gëzim Mejdi, 50 vjeç, banues në Sarandë, si dhe një motomjet i markës “Honda”, me targë ZAH245, i drejtuar nga shtetasi Kristofer Kokaveshi, rreth 26 vjeç.

Si pasojë e përplasjes, drejtuesi i motomjetit ka pësuar dëmtime shëndetësore dhe është transportuar menjëherë drejt spitalit, ku ndodhet jashtë rrezikut për jetën.

Në vendngjarje kanë mbërritur shërbimet e Policisë, të cilat po punojnë për zbardhjen e plotë të rrethanave të aksidentit.