Aksident në aksin rrugor Sarandë-Delvinë/ Një automjet përfundon në kanal, plagosen dy persona
Një aksident rrugor është shënuar para pak minutash në aksin rrugor Sarandë – Delvinë. Nga përplasja e dy automjeteve, njëri prej tyre ka përfunduar në kanal.
Mësohet se janë përplasur kokë më kokë automjeti tip “Smart” me automjetin tip “Hummer” me targa AB 112 IV.
Nga aksidenti mësohet se kanë mbetur të plagosur dy persona, të cilët janë transportuar me urgjencë në spitalin e Sarandës. Ata janë Birbil Islami, 42 vjeç dhe Vendim Tozo, 47 vjeç. Drejtuesi Birbil Islami që u dërgua në spital ndërsa drejtuesi 28 vjeçar i mjetit tjetër, Pëllumb Ahmeti është shoqëruar në polici.
Ndërkohë, policia ndodhet në vendin e ngjarjes për sqarimin e rrethanave të aksidentit.
Lajmet përkatëse
