Aksident i rëndë në Voskopojë/ Përplaset nga automjeti, ndërron jetë një grua
Një aksident i rëndë ka ndodhur mbrëmjen e kësaj të marte në rrugën drejt fshatit Voskopojë të Korçës.
Sipas informacioneve paraprake, një automjet me drejtues shtetasin F. H., rreth 73 vjeç, ka përplasur shtetasen A. E., rreth 50 vjeçe, banuese në Korçë, e cila lëvizte me biçikletë.
Si pasojë, 50-vjeçarja ka ndërruar jetë në vendngjarje.
Drejtuesi i automjetit është shoqëruar në Komisariat për veprime të mëtejshme.
Policia ndodhet në vendin e ngjarjes për zbardhjen e rrethanave.
