Aksident i rëndë në Malësi të Madhe, 20-vjeçari përplas për vdekje të moshuarin
Një aksident i rëndë ka ndodhur mbrëmjen e sotme pranë Malësisë së Madhe, teksa si pasojë ka ndërruar jetë një 68-vjeçar.
Uniformat blu bëjnë me dije se aksidenti ka ndodhur rreth orës 19:55, në aksin rrugor “Shkodër-Hani i Hotit”, ku drejtuesi K. S., 20 vjeç, ka përplasur shtetasin Ll. P., 68 vjeç.
Si pasojë e përplasjes i moshuari ka humbur jetën, ndërkohë mësohet se 20-vjeçari është shoqëruar në komisariat për veprime të mëtejshme.
“Rreth orës 19:55, në aksin rrugor “Shkodër-Hani i Hotit”, në vendin e quajtur “Aliaj”, automjeti me drejtues shtetasin K. S., 20 vjeç, ka përplasur shtetasin Ll. P., 68 vjeç (këmbësor).
Nga përplasja, 68-vjeçari ka humbur jetën. Ndërkaq, Policia ka shoqëruar në Komisariat, shtetasin K. S., për kryerjen e veprimeve të mëtejshme procedurale”, tha policia.
Grupi hetimor vijon hetimet për përcaktimin e shkakut të këtij aksidenti.
