Aksident i rëndë në Fishtë, ndërron jetë një 12-vjeçar

Aksidenti raportohet të ketë ndodhur pranë fshatit Fishtë, ku një automjet ka përplasur një monopatinë me të cilën po lëvizte 12-vjeçari.

Pas përplasjes makina ka dalë nga rruga dhe ka përfunduar në kanal.

Sipas Policisë, ngjarja ka ndodhur rreth orës 20:10, në aksin e vjetër rrugor Blinisht–Fishtë, në fshatin Fishtë.

Automjeti me drejtues shtetasin E. K., rreth 33 vjeç, ka aksidentuar një të mitur, i cili lëvizte me monopatinë. Si pasojë e përplasjes, i mituri ka ndërruar jetë.

Shtetasi E. K. është shoqëruar në Komisariat për kryerjen e veprimeve të mëtejshme procedurale.

Grupi hetimor ndodhet në vendngjarje dhe po punon për dokumentimin e plotë të ngjarjes dhe zbardhjen e rrethanave të aksidentit. 

Aksident tragjik në Borizanë-Thumanë, humb jetën 62-vjeçari

Një aksident i rëndë ka ndodhur pasditen e sotme në aksin rrugor “Borizanë-Thumanë”, ku ka humbur jetën një 62-vjeçar.

Sipas policisë, rreth orës 16:40, shtetasi V. L., rreth 62 vjeç, dyshohet se ka humbur kontrollin mbi drejtimin e automjetit. Si pasojë, makina ka dalë nga rruga.

62-vjeçari është transportuar në spital, por nuk ka mundur t’u mbijetojë plagëve të marra dhe ka ndërruar jetë.