Aksident i rëndë në aksin Levan-Tepelenë, mjeti del nga rruga, dy të plagosur

Një automjet ka humbur kontrollin dhe ka përfunduar në tokat anës autostradës. 

Dy persona kanë ngelur të plagosur. Në vendngjarje kanë mbërritur autoambulanca që ka transportuar të plagosurit në spitalin rajonal Fier, të plagosurit sipas burimeve paraprake janë jashtë rrezikut për jetën. 

Policia po punon për zbardhjen e shkaqeve të aksidentit. 

Aksident me vdekje në Mat, shoferi 19-vjeçar përplas këmbësorin 

Një aksident me vdekje ka ndodhur mëngjesin e sotëm në rrugën dytësore të fshatrave Kurdari-Suç në Mat. 

Policia bën me dije se shtetasi E.S., 19 vjeç, teksa drejtonte automjetin e tij, ka aksidentuar shtetasin E.D., (këmbësor), i cili si pasojë e dëmtimeve të marra, ka humbur jetën në spital. 

Drejtuesi i automjetit është shoqëruar në Komisariat, për veprime të mëtejshme, ndërkohë grupi hetimor po punon për zbardhjen e shkaqeve të aksidentit. 

Aksident i rëndë në Kamzë, makina përplas 9-vjeçaren 

Një aksident është regjistruar në Kamëz, ku një 45-vjeçar duke drejtuar automjetin tip “Opel” ka aksidentuar një të mitur 9 vjeçe.

Sipas policisë, 9-vjeçarja është dëmtuar dhe ndodhet në spital, në kujdesin e mjekëve.

“– Y. H., 45 vjeç, banues në Kamëz, pasi në rrugën “Demokracia”, duke drejtuar automjetin tip “Opel” ka aksidentuar një të mitur 9 vjeçe, e cila si pasojë është dëmtuar dhe ndodhet në spital, në kujdesin e mjekëve”,-njofton policia.