10 gjëra që urrejmë gjatë ngasjes së përditshme të veturës

7 Shkurt 2017 - Gazeta Express

10 gjëra që urrejmë gjatë ngasjes së përditshme të veturës

Ngasja e veturës për shumicën e shoferëve është një kënaqësi, jo vetëm obligim. Por ka disa gjëra që ne urrejmë çdo ditë kur ngasim veturën.

Në vazhdim Express sjell 10 gjërat që na bëjnë nervoz çdo ditë kur i japim veturës.

1. Shoferët që qëndrojnë ngjitur me veturën tuaj nga pas.

2. Njerëzit që nisen me vonesë kur semafori hapet për kalim. Mos harroni se nuk jeni të vetmit që do të kaloni aty.

3. Shoferët e ngadalshëm të cilët në zonën me kufizim të shpejtësisë në 60km/h ecin me 30km/h.

4. Shoferët që nuk përdorin sinjalet anësore gjatë kthimit. Në këtë rast do të ishte shumë e dobishme telepatia për ti lexuar mendjen se nga do të kthehet.

5. Veturat e vjetra dizel të cilat na helmojnë. Kush nget veturën në Prishtinë dhe qëndron prapa autobusëve e kupton për çfarë bëhet fjalë/

6. Çiklistët të cilët nuk respektojnë rregullat e qarkullimit rrugor.

7. Shoferët hezitues të cilët nuk e kanë idenë se ku po shkojnë.

8. Bllokuesit e shiritit të shpejtë. Këta shofer lëvizin me shpejtësi të ulët në shiritin e majtë të autostradës duke bllokuar kështu lëvizjen. Kuptojeni, shiriti i majtë në autostradë përdoret vetëm për tejkalime, kthehuni sërish në shiritin e djathtë.

9. Shoferët që mbajnë veturën aktive gjatë pritjes në semafor duke na helmuar me gazra dhe kur vjen momenti i nisjes ata bllokohen.

10. Këmbësorët të cilët përdorin telefonin gjatë kalimit të rrugës në vendkalime të shënuara për këmbësore dhe ata të cilët kalojnë rrugën jashtë këtyre vendkalimeve.