Vendin e parë, si modeli më i shitur në Evropë, e mban për një kohë të gjatë Volkswagen Golf, transmeton Telegrafi.
Volkswagen Golf nuk lëviz nga vendi i parë
Megjithëse shënoi rënie në vitin 2016, në kontinentin e vjetër mbetet vetura dukshëm më e kërkuar që qëndron larg konkurrentëve me 492.953 njësi të porositura.
Nga vendi i katërt, Renault Clio është ngjitur në të dytin
Renault Clio, me rritje prej tre për qind, është ngritur në vendin e dytë me 315.115 njësi të shitura, derisa në vendin e tretë është Volkswagen Polo, që në vitin 2015 ishte i katërti me 308.562 njësi të shitura.
Vendin e tretë e zë Polo nga Volkswagen
Prej vendit të dytë, Ford Fiesta ka rrëshqitur në të katërtin, pasi që gjatë këtij viti shiti 300.528 njësi.
Ford Fiesta bie në vendin e katërt
Opel/Vauxall/Costa e përmbyll listën e pesë modeleve më të shitura në Evropë, me 264.844 kërkesa për një makinë të tillë.
Në pesë modelet më të shitura në Evropë është edhe Opel/Vauxall/Costa
Në këtë liste bie në sy më së shumti, se katër modele i përkasin segmentit "B", që janë automobila të vegjël dhe për rrugë të shkurtra.
Astra nga vendi i 13-të, kaloi në të gjashtin
Sa i përket kërkesave tjera, Astra ka shënuar sukses të madh duke u ngritur nga pozita e 13-të në të gjashtën, pasi ka shitur 253.483 makina.
Lajmet përkatëse
