Vdiq tragjikisht në aksidentin me kamion në By-Passin Orikum-Kaninë/ 28-vjeçari, Kryetar i Forumit Rinor në Lushnjë. Mesazhi prekës i deputetit të PD!

2 muaj, 3 javë më parë - 18 Maj 2022, Gazeta Shqiptare
By-Passin Orikum-Kaninë aksident
By-Passin Orikum-Kaninë aksident
Aksident në Dhërmi, përplasen dy mjete të tonazhit të rëndë! Plagoset drejtuesi i betonieres, çohet me urgjencë në spital; Përplasja e frikshme nga “G Class-i” në vijat e bardha, çifti “ia hedh” rrezikut për tu invalidizuar! Si paraqitet gjendja e tyre shëndetësore; EMRAT/ Makina i përplasi teksa po udhëtonin me motor, ndërron jetë 21-vjeçari nga Postriba! Nëna e tij në gjendje të rëndë

Vdiq tragjikisht në aksidentin me kamion në By-Passin Orikum-Kaninë/ 28-vjeçari, Kryetar i Forumit Rinor në Lushnjë. Mesazhi prekës i deputetit të PD!

I riu që shihni në foton e mëposhtme është Klajdi Kaja, 28-vjeçari që humbi jetën ditën e djeshme tragjikisht në punë, në By-Passin Orikum-Kaninë.

Mësohet se i riu ishte pasagjer në kamionin që u aksidentua, ndërsa humbi jetën bashkë me kolegun e tij. Në lidhje me ngjarjen ka reaguar dhe deputeti i PD-së për qarkun e Fierit, Luan Baçi. Ky i fundit theksoi se Klajdi ishte kryetari i forumit rinor, në njësinë Administrative, Bubullim të Lushnjës.

MESAZHI I LUAN BAÇIT:

Klajdi Kaja 28 Vjeç, djali i vetem i familjes Kaja

Lamtumir i dashur Klajdi!

Na trishtove shume mik!

Me shume dhimbje dhe trishtim percjellim sot, per ne parajse, kryetarin e forumit rinor, NJ.V. Bubullim Lushnje, Klajdi Kaja 28 Vjeç, djali i vetem i familjes Kaja!

Aksidenti tragjik, te largoi nga babai, nena dhe motrat,qe te deshen aq shume, te largoi nga shoket dhe shoqet, te largoi nga miqte e tu te shumte!

Te largoi nga ne nga koleget e tu te Partise Demokratike!

Ne sot po te percjellim me shume dhimbje dhe nuk do te harrojme kurre, do te kujtojme me mall, dashuri dhe respekt!

Lamtumir Klajdi, qofsh i parajses!

Aksident në Dhërmi, përplasen dy mjete të tonazhit të rëndë! Plagoset drejtuesi i betonieres, çohet me urgjencë në spital 

Një aksident është regjistruar pasditen e së martës në Dhërmi, ku një betonier është përplasur më një kamion të parkuar.

Si pasojë e aksidentit, shoferi i betonieres ka pësuar lëndime. Më pas, N.A., 50 vjeç është transportiuar në Spitalin Rajonal Vlorë, ku ndodhet nën kujdesin e mjekëve.

Sakaq, hetuesit dhe policia kanë mbërritur në vendngjarje dhe po punon për zbardhjen e plotë të rrethanave të aksidentit.

Njoftimi i policisë:

Dhërmi/Informacion paraprak

Më datë 17.05.2022, në lagjen Drimadhë, fshati Dhërmi, Himarë, një betoniere me drejtues shtetasin N.A., 50 vjeç, ka goditur nga mbrapa një kamion të parkuar, ku si pasojë është dëmtuar drejtuesi i betonieres, i cili ndodhet në Spitalin Rajonal Vlorë, nën kujdesin e mjekëve.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.

Përplasja e frikshme nga “G Class-i” në vijat e bardha, çifti “ia hedh” rrezikut për tu invalidizuar! Si paraqitet gjendja e tyre shëndetësore

Çifti Vilma dhe Arjan Konomi të cilët u aksidentuan tek vizat e bardha nga mjeti tip “G Class” te “Rruga e Kavajës” fatmirësisht janë jashtë rrezikut për jetën.

Pas qëndrimit prej gati dhjetë ditë nën trajtim intensiv në spital, mjeku i njohur neurokirug Fatos Olldashi jep lajmin e mire se të dy prindërit e foshnjës  tre muajshe e kapërcyen rrezikun për jetën dhe nuk riskojnë të invalidizohen.

Më 8 maj, Vilma dhe Arjan Konomi u aksidentuan pak pas mesditës teksa kalonin në vizat e bardha  bashkë me vajzën e tyre, tre muajshe e cila u erdhi në jete  pas 20 vitesh pritjeje.

Fatmirësisht edhe vajza e vogël është në gjendje të mirë shëndetësore  në pritje të dalin nga spitali dy prindërit e saj, Vilma mjeke në qendrën shëndetësore në Vorë dhe Konomi drejtor i sporteve në Ministrinë e Arsimit.

EMRAT/ Makina i përplasi teksa po udhëtonin me motor, ndërron jetë 21-vjeçari nga Postriba! Nëna e tij në gjendje të rëndë

Suad Milani, vetëm 21 vjeç nga Postriba i cili u aksidentua tre ditë më parë në fshatin Hot i Ri, ka ndërruar jetë këtë të martë, bëjnë me dije burimet për Gazetën Shqiptare.

Mësohet se nëna e tij, Lida Milani ka pësuar gjithashtu dëmtime të rënda dhe ndodhet në gjendje të rëndë shendetësore.

Nga ana e saj, policia nuk ka bërë asnjë njoftim lidhur me këtë ngjarje të rëndë të ndodhur tre ditë më parë.

Ndërkohë, nënë e bir kanë qenë në një motorr, duke udhëtuar drejt Postribës ku edhe jetonin. Ata janë aksidentuar me një automjet duke gjetur vdekjen pas tri ditësh në spital 21 vjecari ndërsa nena ndodhet në gjendje të rëndë.


Support Ukraine