Tre të vdekur në aksidentin afër Kaçanikut

2 Mars 2017 - Telegrafi

Tre të vdekur në aksidentin afër Kaçanikut

Tre persona kanë mbetur të vdekur si pasojë e aksidentit të sotëm që ka ndodhur në Gërlicë të Kaçanikut.

Zëdhënësi i Policisë për Rajonin e Ferizajt, Agim Gashi ka konfirmuar se tre persona kanë humbur jetën si pasojë e aksidentit që ka ndodhur në rrugën Prishtinë-Shkup, përkatësisht në fshatin Gërlicë të Kaçanikut, ku janë ndeshur një kamion dhe një veturë.

"Tre persona janë të vdekur si pasojë e aksidentit që ka ndodhur sot në fshatin Gërlicë", ka thënë Gashi, për Express.

Zyrtarë të Policisë dhe Prokurorisë kanë treguar se janë duke shkuar në vendin e ngjarjes për t'i bërë ekzaminimet e nevojshme.

Aty është ftuar edhe Mjekësia Ligjore për t'i marrë trupat e pajetë.

Aksident i rëndë në afërsi të Kaçanikut, dyshohet për të vdekur

Një aksident i rëndë trafiku ka ndodhur në afërsi të Kaçanikut, më saktësisht në fshatin Gërlicë, ku janë ndeshur një kamion dhe një veturë.

Së paku tre persona kanë mbetur të ngujuar brenda një veture, ndërsa shoferi i kamionit është nxjerrë pa shumë probleme nga zjarrfikësit, njofton Klan Kosova.

Nuk dihet saktësisht për gjendjen e të aksidentuarve, por nga pamjet e siguruar dyshihet se së paku njëri nga ta ka qenë pa shenja jete.