Të miturit në timon, specialisti: Kur janë nën 16 vjeç procedohet prindi ose kujdestari

1 vit, 6 muaj më parë - 20 Shtator 2022, opinion
Të miturit në timon, specialisti: Kur janë nën 16 vjeç procedohet prindi ose kujdestari
T’i japësh makinës pa mbushur moshën 18 vjeç dhe pa patentë përbën vepër penale. Por jo në pak raste në rrugët e vendit qarkullojnë minorenë me makina.

I keni dhënë makinës më herët pa marrë patentën? Po

Çfarë moshe? 15-16 vjeç.

Si e keni mësuar makinën? Filllimisht nën kujdesin e dikujt duke mësuar si të ngasësh makinën dhe pastaj e kam marrë vetë, disa gënjeshtra të vogla pavarësisht se distancat mund të ishin më të mëdha.

Si ky i ri janë me dhjetra raste që janë kapur nga Policia Rrugore. Nga Janari janë evidentuar mbi 50 raste të tilla.

Gerhard Baka, specialist trafiku: Janë 54 raste të evidentuara dhe ndëshkuara nga ana jonë që janë persona pa leje, janë minorenë. Shpeshherë kemi pasur raste fatale nga përdoruesit e këtyre mjeteve.

Akoma më problem janë drejtimi i motorave nga të miturit ku Policia Rrugore ka regjistruar dhe më shumë raste.

Ndërsa në lidhje me motomjete janë mbi 250 raste konstatimi pa pajisur me leje drejtimi.”

Por kush procedohet në rastin kur i mituri kapet nën drejtimin e makinës apo motorit?

Në rastin kur është nën 16 vjeç procedohet prindi ose kujdestari.

Sipas Kodit Rrugor, shtetasit shqiptarë mbi 18 vjeç kanë të drejtë të pajisen me leje drejtimi. Dhenia e makinës pa patentë apo pa mbushur moshën përbën vepër penale. Nga Janari deri në Korrik janë evidentuar afro 970 raste drejtimi mjeti i papajisur me patentë.

Support Ukraine