Reshje të dendura të shiut gjatë natës në Bulqizë/ ARRSH: Rënie gurësh dhe inertesh në disa akse

Sipas ARRSH mësohet se në zonën veriore dhe në zonën juglindore të vendit kanë vazhduar reshjet e dëborës.

Në akset nacionale Bulqizë-Tiranë-Peshkopi, kalimi bëhet pa zinxhirë, por ashtu edhe në rrugët rurale që lidhin njësitë administrative të bashkisë Bulqizë.

“Gjatë natës kanë vazhduar reshjet e shiut duke sjellë rënie gurësh e materialesh në rrugë, si në Skurraj-Burrel që janë pastruar menjëherë nga grupet e punës.

Në zonën veriore dhe në zonën juglindore të vendit kanë vazhduar reshjet e dëborës.

Në Rajonin Verior në akset Bajram Curri-Valbonë, Ura e Zapodit-Shishtavec, Peshkopi-Kuben-Vasije, në Bulqizë-Peshkopi, Kukës-Bushtricë, Kukes-Krumë, Hani i Hotit-Tamarë, Tamarë-Vermosh, Bogë-Theth, gjatë natës ka pasur reshje dëbore me intensitet të lartë, mjetet borëpastruese kanë vijuar punën pa ndalur qarkullimi kryhet pa probleme.

Në Rajonin Jugor në akset Korçë-Ersekë (kryesisht në Qafën e Qarrit), Bobshticë-Dardhë, Qafë Thanë kanë vazhduar reshjet e dëborës me intesitet mesatar, rrugët janë te pastruara dhe qarkullimi kryhet pa probleme.

Drejtuesit e mjeteve të kenë kujdes të shtuar gjatë drejtimit të mjetit për shkak të lagështisë në rrugë, të pajisen me goma dimërore dhe zinxhir kur udhëtojnë për në zonat malore me prezencë dëbore”, njofton ARRSH.

Ndërpriten reshjet e dëborës në Dibër, akset rrugore të kalueshme

Prej mesnatës janë ndërprerë reshjet e borës në Dibër.

Temperaturat në vlera pozitive 4 gradë Celsius, u kanë dhënë mundësi kompanive kontraktore të punojnë për hapjen e rrugëve dhe kriposjen e tyre.

Reshjet më të shumta kanë qenë në territorin e Bashkisë Dibër ku trashësia në qytetin e Peshkopisë arriti në 15 cm ndërsa në zonat malore si Kalaja e Dodës, Sllova, Selishta dhe Lura trashësia kalon mbi 30 cm.

Situata rrugore është përmirësuar ndjeshëm dhe kalimi bëhet pa probleme pa zinxhirë.

Aksi Peshkopi – Bulqizë – Tiranë nuk ka borë në trupin e rrugës, duhet kujdes në Baypasin e Murrizit. Aksi Peshkopi – Kala e Dodës – Kukës kalimi normal pa zinxhirë. Aksi Ura e Çerenecit – Steblevë – Librazhd i kalueshëm, me zinxhirë pjesërisht.

Po punohet për hapjen e rrugëve të fshatrave të thella, dhe qendrave të njësive Administrative. Nga EC nuk ka njoftime për situata të vështira, apo thirrje për ndihmë.

Në 24 orët e fundit nuk ka pasur thirrje për emergjenca shëndetësore drejt spitalit rajonal Dibër. Situata energjitike vijon pa probleme, me përjashtim të 4 fshtrave ku si pasojë e ngarkesës së borës në degët e pemëve ka pasur stakim të energjisë, por po punohet për rikthimin e shpejtë të saj.

I gjithë teritori i Bashkisë Dibër, ku edhe ka goditur më fort stuhia e borës, furnizimi me ujë të pijshëm ka qenë normal.