Punimet në aksin Vorë-Maminas/ Trafik i rënduar në rrugën dytësore, radhë mbi 15 km

Kjo pasi sot kanë nisur bllokimet në një segment të autostradës që lidh këto dy zona.

Raportohet se trafiku i rënduar ka kijuar radhë kilometrike mbi 15 km të gjatë.

Radha nis nga kryqëzimi i Budullës e deri në zonën e Maminasit, i përqendruar kryesisht në rrugën dytësore.

Trafiku i rënduar në aksin Vorë-Maminas/ Policia: Situata në disa zona brenda Tiranës dhe në hyrje-dalje

Këtë të hënë, aksi dytësor Vorë - Maminas është përfshirë nga në gjendje e rënduar trafiku, me radhë kilometrike që arrinin mbi 15 km.

Me këtë rast, autoritetet policore bëjnë me dije se kjo situatë është krijuar në disa zona brenda kryeqytetit, si dhe në hyrje e dalje të Tiranës.

Policia njofton se patrullat e përgjithshme ndodhen në terren. me qëllim menaxhimin dhe lehtësimin e qarkullimit

Njoftimi i plotë:

Për shkak të mbylljes së përkohshme të autostradës Tiranë – Durrës, për arsye punimesh, të njoftuar me datë 10.10.2025, nga Autoriteti Rrugor Shqiptar, është krijuar trafik i rënduar në disa zona brenda kryeqytetit, si dhe në hyrje e dalje të tij.

Shërbimet e Policisë Rrugore dhe Patrullat e Përgjithshme ndodhen në çdo kryqëzim dhe segment kryesor rrugor, me qëllim menaxhimin dhe lehtësimin e qarkullimit.

Policia e Tiranës u bën apel drejtuesve të automjeteve të tregojnë durim, të respektojnë sinjalistikën rrugore dhe udhëzimet e punonjësve të Policisë, si dhe të përdorin rrugë alternative, për të shmangur vonesat në lëvizje.