Policia nxjerr videon, kujdes nga “dronët edukues” monitorojnë nga ajri shoferët

5 muaj, 1 javë më parë - 1 Korrik 2022, opinion
Policia nxjerr videon, kujdes nga “dronët edukues” monitorojnë nga ajri shoferët
Policia Rrugore ka informuar se vijojnë kontrollet nga ajri të bëra nga “dronët edukues”.

Kontrollet janë bërë në rrugët e kryeqytetit në lidhje me respektimin nga ana e drejtuesve të mjeteve, të përparësisë së këmbësorëve në vizat e bardha.

Pas evidentimit të shkelësve, informacionet i janë dhënë patrullës më të afërt e cila ka ndaluar mjetin dhe i ka komunikuar masën administrative.

Një ndër objektivat e “Dronit edukues” është rritja e sigurisë rrugore nëpërmjet kontrollit të sjelljes së përdoruesve të rrugës, në respektimin e rregullave të qarkullimit rrugor.

Drejtuesit e mjeteve që shfaqen në këtë video nuk respektojnë përparësinë e këmbësorëve në vizat e bardha, shkelje e cila ndëshkohet me masë administrative, sipas nenit 189 të Kodit Rrugor.

Komisariati Rajonal i Policisë Rrugore Tiranë, nëpërmjet kësaj videoje, ka si qëllim ndërgjegjësimin e qytetarëve për respektimin e rregullave të qarkullimit rrugor!

Ec i sigurtë, respekto rregullat e qarkullimit rrugor!”,-shkruan policia.

Support Ukraine