Përplasi për vdekje një 22-vjeçar, arrestohet i moshuari

I riu po udhëtonte me motor në aksin rrugor “Peshkëpi-Kotë”, kur u përfshi në aksidentin tragjik që i mori jetën.

“Specialistët e Sektorit të Policisë Rrugore, në vijim të veprimeve hetimore për aksidentin e ndodhur ditën e djeshme, në aksin rrugor “Peshkëpi-Kotë”, arrestuan shtetasin J. K., 80 vjeç, banues në Vlorë, pasi drejtonte automjetin që u përplas me motomjetin me drejtues shtetasin F. K., 22 vjeç, banues në Tiranë, i cili humbi jetën“, njofton policia.

U përplas për vdekje me makinë nga një i moshuar, ky është 22-vjeçari që humbi jetën në Vlorë

Personi në foto, është 22-vjeçari Fatjon Kasaj, i cili humbi jetën tragjikisht pasditen e sotme pranë fshatit Kote, në Vlorë.

Motori i drejtuar nga 22-vjeçari u përplas në shkaqe ende të paqarta, me automjetin tip “Yamaha”, të drejtuar nga një 80-vjeçar.

“Në vijim të informacionit paraprak të dhënë në lidhje me aksidentin e ndodhur sot, në afërsi të urës së fshatit Lapardha, Vlorë, ju bëjmë me dije se është bërë i mundur identifikimi i drejtuesit të motomjetit që humbi jetën në vendngjarje, i cili rezulton të jetë shtetasi F. K., 22 vjeç”, njoftoi policia.

Ende nuk janë të qarta rrethanat e ngjarjes së rëndë, por grupi hetimor po punon për zbardhjen e shkaqeve të aksidentit.

Aksident i shumëfishtë në aksin Marikaj-Vorë! Makinat e bëra copë dhe kamioni përmbys, pamje nga vendi i ngjarjes

Një aksident i shumëfishtë është regjistruar mesditen e sotme në aksin rrugor Marikaj-Vorë.

Disa automjete janë përplasur njëra pas tjetrës, duke përfunduar më pas në përplasje me kamionin.

Për shkak të aksidentit, kamioni është kthyer përmbys.

Siç shihen e në pamje, makinat janë copëtuar, teksa trafiku i rënduar ka zaptuar aksin, që është nyje kryesore lidhëse mes kryeqytetit dhe Durrësit.

Sakaq, nuk raportohet për të lënduar.

Aksident në Vlorë, raportohet për një të lënduar pas përmbysjes së mjetit

Një aksident është regjistruar mbrëmjen e sotme në Vlorë, ku një automjet është përmbysur në rrugë.

Si pasojë e aksidentit, pranë fshatit Skrofotin, ka mbetur i lënduar një person, i cili është transportuar në spital për ndihmë mjekësore.

Policia ndodhet në vendngjarje dhe po punon për zbardhjen e rrethanave të aksidentit