Përplasi makinën ku humbi jetën 27-vjeçarja shtatzënë, arrestohet drejtuesi i mjetit
Policia e Fierit ka arrestuar 31-vjeçarin Edmond Asllani, i cili dyshohet se është shkaktari i aksidentit të një dite më parë në rrugën Fier-Vlorë, ku humbi jetën Majlinda Troka, rreth 27 vjeçe.
Policia shprehet se Asllani duke drejtuar mjetin tip "Benz", është përplasur me një tjrtër makinë dhe më pas me mjetin tip "Audi", me drejtues shtetin A.T., vjeç 64, banues në fshatin Martin. Si pasojë ka humbur jetën pasagjerja në mjetin tip "Audi", shtetasja M.T., vjeçe 27, banuese në fshatin Martin".
Po ashtu nga aksidenti mbetën të plagosur edhe 4 persona të tjerë, të cilët po marrin mjekim në spital. Ata janë shtetaset L.T., 7 vjeçe dhe K.T., vjeçe 41, banuese në fshatin Qarr, pasagjerë në mjetin "Audi" dhe drejtuesi i mjetit "Benz" shtetasi L.T., 32 vjeç dhe i mituri Xh.T, 1 vjeç.
