Përplasen makinat në aksin Tepelenë-Fier/ Humbin jetën burrë e grua, plagosen 2 persona
Një aksident është regjistruar rreth orës 05:30, në aksin rrugor Tepelenë-Fier.
Shtetasi S. A., duke drejtuar automjetin tip autobot, ka përplasur automjetin tip "Ford", me drejtues shtetasin V. A.
Nga përplasja kanë humbur jetën në vendngjarje drejtuesi i automjetit tip "Ford", shtetasi V. A., dhe pasagjerja që ndodhej në këtë automjet, shtetasja M. A., (bashkëshortja e shtetasit V. A.).
Drejtuesi i automjetit tip autobot dhe pasagjerja që ndodhej në këtë makinë, shtetasja A. A., ndodhen në spital për ndihmë mjeksore, jashtë rrezikut për jetën.
Ndërkohë, grupi hetimor ndodhet në vendngjarje dhe po punon për sqarimin e plotë të rrethanave të aksidentit.
Lajmet përkatëse
