Parkimet e gabuara/ Vlorë, mbi 570 gjoba në katër ditë për drejtuesit e automjeteve
Në zbatim të detyrave për menaxhimin e trafikut rrugor për ndëshkimin e drejtuesëve të mjeteve të cilët nuk respektojnë kërkesat e kodit rrugor për parkimet në qendrat urbane, policia e Vlorës vijon aksionin në qytet për ndëshkimin e të gjitha mjeteve që parkojnë kundër ligjit.
Vetem gjatë katër ditëve duke nisur nga 11 deri me 14 korrik janë vendosur 576 gjoba në parkime të gabuara ndërsa 163 mjete janë ndëshkuar me masa administrative duke u larguar me karrotrec.
Nga policia konfirmohet se aksioni do të vijojë për çdo ditë duke u shtrirë në të gjithë qytetin duke ndëshkuar çdo drejtues mjeti që shkel ligjin duke parkuar në mënyre të gabuar.
Prej ditësh, aksioni i policisë rrugore është shtrirë në të gjithë qytetin dhe kryesisht në zonën e Lungomares.
Lajmet përkatëse
