Parakalime të gabuara dhe shpejtësi përtej normave/ Droni ndëshkon shoferët problematikë
Policia Rrugore ka monitoruar akset rrugore nacionale dhe urbane, duke përdorur mjetet inteligjente shpejtësimatëse dhe dronë.
Si rezultat i monitorimeve, mësohet se gjatë 48 orëve të fundit, në shumë akse rrugore janë konstatuar nëpërmjet dronit, 503 raste të parakalimeve të gabuara.
Drejtuesit e mjeteve që kanë kryer këto parakalime janë ndëshkuar me masa administrative nga 3000 deri në 5000 lekë të rinj.
Gjithashtu, gjatë monitorimeve janë evidentuar 703 raste të shpejtësisë tej normave të lejuara.
Drejtuesit e mjeteve janë ndëshkuar me masa administrative 1000-4000 lekë të rinj, pa sanksionin e pezullimit të lejes së drejtimit;
51 raste të shpejtësisë mbi normat e lejuara.
Drejtuesit e mjeteve jane ndëshkuar me pezullim të lejes së drejtimit dhe zbritje deri në 8 pikë nga patenta.
Lajmet përkatëse
