Moti i keq rrëzon pemën, bllokohet aksi Gjirokastër-Kakavijë
Moti i keq dhe reshjet e dendura të shiut kanë pushtuar të gjithë vendin mëngjesin e kësaj të mërkure.
Mësohet se si pasojë e stuhisë së shiut është bllokuar aksi Gjirokastër-Kakavijë në afërsi të Lazaratit.
Aksi është bllokuar nga rrëzimi i një peme e cila ka krijuar radhë të gjata makinash. Aktualisht, rruga është me një sens kalimi, ndërkohë që po punohet për të hapur komplet aksin.
Po ashtu, në vendin ku është rrëzuar pema ndodhen forcat e policisë për të orientuar drejtuesit e mjeteve. Bëhet me dije se edhe gjatë ditës së nesërme moti do të jetë i paqëndrueshëm.
Lajmet përkatëse
