Mikrobusi del nga rruga, plagosen 10 nxënës. Një vajzë po transportohet drejt Tiranës
Një aksident i rëndë ka ndodhur mëngjesin e sotëm në Skrapar, ku të tjera detaje kanë dalë në dritë.
Një mikrobus me targa AA445 KE, që po transportonte nxënës të moshave 14-18 vjeç për në shkollën e Çorovodës, nga sa mësohet ka rrëshqitur, duke dalë nga rruga ne fshatin Verzhezhë.
Bëhet e ditur se drejtuesi i mikrobusit me inicialet A.H ka humbur kontrollin e mjetit. Gazeta Shqiptare mëson se në mikrobus ndodheshin 15 nxënës, 10 prej të cilëve janë plagosur. Raportohet se një vajzë 18-vjeçare paraqitet rëndë dhe po transportohet në spitalin e traumës. Ndërkohë që 5 nxënës janë transportuar në spitalin e Skraparit dhe 4 në Berat.
Grupi hetimor po punon për zbardhjen e shkaqeve të aksidentit.
