Askush nuk dëshiron të goditet nga një veturë, por një patentë e re nga Daimleri, pronari i Mercedes-Benzit, mund të bëjë një aksident të mundshëm me mundësi më të madhe për mbijetesë.
Kompania ka nisur rrugën për instalimin e 'jastëkëve të ajrit' të jashtëm si mënyrë të kujdesit për këmbësorët.
Në këtë aplikim, sensorët luajnë rolin e monitoruesit në përplasje. Nëse një aksident ndodh, në sipërfaqen e parë në kofano dhe anësore dalin 'airbagët'.
Këta 'airbagë' të rinj mund të përfshihen në një sistem që nuk shihet kur ato nuk janë të hapura.
Mercedesi kishte aplikuar për këtë patentë në korrik të 2015-s, por instituti amerikan për patenta e publikoi atë vetëm më 3 gusht të këtij viti.
