Me 225 km/h në Vlorë, turisti kosovar e mori me qera në Zvicër

22 Korrik 2021 - Gazeta Shqiptare

Me 225 km/h në Vlorë, turisti kosovar e mori me qera në Zvicër

“Lamborghini-n” Një Lamborghini gri “gjëmonte” autostradës drejt qytetit shqiptar të Vlorës, i ndjekur nga afër nga një BMË e zezë.

Kështu e fillon shkrimin mediumi zviceran Blick.ch, duke rrëfyer për një ngjarje të ndodhur në rrugët e Shqipërisë, në të cilën protagonistë janë dy kosovarë që jetojnë në Zvicër.

Sipas mediumit në fjalë, makinat luksoze po bënin një garë, duke përshpejtuar deri në 225 kilometra në orë aty ku e lejuar ishte vetëm deri në 100 kilometra në orë.

Dhe siç shkruan ky medium, kjo ka rënë edhe në sy të policisë shqiptare, të cilët i kanë ndaluar ata.Në dalje të qytetit, oficerët e policisë ndalojnë makinat me targa Schëyz dhe sipas policisë, në timonin e Lamborghini ishte një kosovar (40) i cili jeton në Zvicër.

Ndërkohë vë në pah Blick.ch, numri i tabelave tregon se bëhet fjalë për një makinë të marrë me qira nga në Schübelbach SZ të Zvicrës.

Megjithatë, pronari i kompanisë nuk ka dashur të komentojë për Blick. Ai ishte me pushime dhe nuk dinte asgjë për një incident të tillë. Ndërkohë një 37-vjeçar nga Kosova ngiste makinën me BMË dhe makina e tij i përket një kompanie pastrimi në kantonin Schëyz.

Shefi i tyre është gjithashtu me pushime – dhe nuk ishte në dispozicion për të komentuar rreth ngjarjes, për Blick.

Si pasojë, tregon mediumi zviceran, në stacionin e policisë, të dy shpejtuesit duhet t’i nënshtroheshin një kontrolli alkooli – dhe të “pajtohen” me një gjobë të rëndë: shoferi i BMË duhet të paguajë 1500 franga zvicerane, ndërsa ai i Lambos rreth 1000 franga zvicerane.

Policia shqiptare shkruajti në një mesazh drejtuar të gjithë atyre që vozisin me shpejtësi: “Të ngasësh automjetin me një shpejtësi të tillë është fatale. Ju rrezikoni seriozisht jetën tuaj dhe të përdoruesve të tjerë të rrugës”.