Makina përplaset me frezën e dorës/ Humbin jetën burrë e grua, plagoset vajza
Një aksident është regjistruar mëngjesin e kësaj të marte, rreth orës 06:00.
Në vendin e quajtur “Rruga e drejtë e Kuçovës”, automjeti me drejtues shtetasin A. K. është përplasur me mjetin bujqësor (frezë dore), në të cilën ndodheshin 3 persona.
Në frezën e dorës ishin drejtuesi 81-vjeçar me iniciale A. K., bashkëshortja e tij S. K., 77 vjeçe dhe vajza e tyre, shtetasja F. B., 58 vjeçe.
Si pasojë e aksidentit, drejtuesi i mjetit bujqësor dhe bashkëshortja e tij kanë humbur jetën në vendngjarje, ndërsa vajza ndodhet në spital, jashtë rrezikut për jetën.
Drejtuesi i makinës është shoqëruar në Komisariat, për veprime të mëtejshme procedurale.
Ndërkohë, grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
