Makina përfshihet nga zjarri pranë karburantit, plagosen 4 persona

I dëmtuar ka mbetur punonjësi i karburantit D.M, drejtuesja e mjetit V.D dhe dy pasagjerët J.O dhe F.D. Të katër të plagosurit janë transportuar në spitalin e Korçës, ku po marrin ndihmën e nevojshme mjekësore. Mësohet se të gjithë të dëmtuarit janë jashtë rrezikut për jetën.

Dyshohet se në mjet ka pasur rrjedhje gazi dhe zjarri mund të ketë rënë aksidentalisht, nga ndezja e një cigareje nga drejtuesja e mjetit.

Njoftimi i policisë

Më datë 27.12.2018, jemi njoftuar se në lagjen nr 9, ka rënë zjarr në mjetin tip "Benz" me targa AA575PT, në pronësi të shtetases V.D, i cili ka qenë i ndaluar pranë një karburanti.

Për pasojë kanë marrë dëmtime shtetasi D.M, (punonjës i karburantit) drejtuesja e mjetit V.D, shtetasja J.O dhe shtetasi F.D, që ndodheshin brenda në mjet, të cilët u dërguan për ndihmë mjekësore në Spitalin e Korçës, ku ndodhen jashtë rrezikut për jetën.

Paraprakisht dyshohet se në mjet ka pasur rrjedhje gazi dhe zjarri mund të ketë rënë aksidentalisht, nga ndezja e një cigareje nga drejtuesja e mjetit.

Grupi hetimor po punon për të sqaruar rrethanat e ngjarjes dhe përcaktuar shkaqet e rënies të zjarrit.