Makina bie në lumë, ka viktima

11 Janar 2018 - Gazeta Shqiptare

Makina bie në lumë, ka viktima

Një automjet tip “Mercedes-Benz”, me targa AA272 JN, ka dalë nga rruga dhe për pasojë ka përfunduar në ujërat e Lumit Mat.

Në vendin e ngjarjes është gjetur trupi i pajetë i një personi, që sipas policisë, është drejtuesi i mjetit.

Automjeti po kalonte mbi urën e lumit Mat, në aksin dytësor rrugor Pllanë-Rubik, në momentin kur ka dalë nga rruga dhe ka rënë në lumë.

Makina është nxjerrë nga shtrati i lumit, ndërsa nga kontrolli ka rezultuar se nuk ka pasur persona të tjerë brenda.

Informacioni i Policisë

Më datë 10.01.2018, rreth orës 17:00 është marrë njoftim se në Rrugen dytësore Pllanë-Rrubik, ka ndodhur një aksident. Automjeti tip "Benz" me targa AA272JN, ka dal nga rruga dhe ka rënë në lumin Mat. Për pasojë në afërsi të bregut të lumit është gjetur një shtetas i vdekur akoma i pa identifikuar, ku dyshohet se është drejtuesi i mjetit. Policia ka bërë të mundur nxjerrjen e mjetit në breg të lumit, ku nga kontrolli në brendësi të mjetit sështë konstatuar asnjë shtetas. Grupi hetimor në vendngjarje po punon për zbardhjen e plotë të shkaqeve te aksidentit, si dhe për identifikimin e viktimës.

 

Shiteni Makinën Tuaj