Aksidenti në Belsh/ 4 të plagosur, në gjendje të rëndë nëna dhe një nga vajzat binjake

2 muaj, 1 javë më parë - 13 Shkurt 2024, Gazeta Shqiptare
Aksidenti në Belsh/ 4 të plagosur, në gjendje të rëndë nëna dhe një nga vajzat binjake
Si pasojë e aksidentit të rëndë që ndodhi sot në fshatin Dragot në Belsh u plagosën 4 pjesëtarë të një familjeje, mes tyre dhe vajzat binjake 8-vjeçe.

Makina që drejtohej nga nëna e vajzave doli nga rruga dhe u përmbysur në arë e më pas makina shpërtheu në flakë.

Të plagosurit u nxorën nga makina me ndihmën e banorëve të zonës, fatmirësisht përpara se makina të përfshihej nga flakët.

Katër të plagosurit e familjes Metaj u transportuan drejt Spitalit Rajonal Berat, pasi largësia ishte me afërt dhe menjëherë janë futur në sallën e operacionit.

Burimet zyrtare spitalore bëjnë me dije se ata kanë pësuar plagë të shumta në kokë dhe se në gjendje më të rënduar janë nëna dhe 1 nga vajzat binjake.Të njëjtat burime konfirmojnë se të plagosurit po mbahen nën monitorim, ndërkohë që po u bëhet ekzaminimet e nevojshme.

Policia jep detaje nga aksidenti në Belsh: Një 8 vjeçare ka marrë dëmtime të lehta…

Policia ka dhënë detaje në lidhje me aksidentin në Belsh, ku bën me dije se makina pasi ka dalë nga rruga është përmbysur dhe është përfshirë nga flakët.

Sipas policisë, nga ngjarja ka mbetur e lënduar vetëm një vajzë 8-vjeçare, e bija e drejtuesit të mjetit.

E mitura ndodhet në spital, jashtë rrezikut për jetën.

Ka nisur puna për zbardhjen e shkaqeve të aksidentit.

Njoftimi i policisë:

Rreth orës 16:45, në aksin rrugor “Belsh-Kuçovë”, automjeti me drejtues shtetasin E. M., ka dalë nga rruga dhe për këtë shkak automjeti është përfshirë nga flakët.

Si pasojë është dëmtuar lehtë dhe po merr asistencë mjekësore vajza e shtetasit E. M., 8 vjeçe (pasagjere), e cila është jashtë rrezikut për jetën.

Grupi hetimor në vendngjarje po punon për përcaktimin e rrethanave të këtij rasti.

Aksident i frikshëm në Belsh, makina shpërthen në flakë pas daljes nga rruga

Një ngjarje jo e zakonshme është shënuar në Blesh. Mësohet se një mjet ka dalë nga rruga dhe për pasojë ka shpërthyer në flakë.

Nga ngjarja nuk ka persona të lënduar, pasi personat që ndodheshin brenda mjetit kanë dalë sapo kanë nisur flakët.

Mësohet se ata janë duke u transportuar në spital, për të kryer kontrolle, ndërsa ende nuk dihet sesa persona gjendeshin brenda mjetit.

Aksident i rëndë/ Përplasen dy makina, humb jetën një person dhe plagosen dy të tjerë

Një grua ka humbur jetën, ndërsa dy persona të tjerë mbetur të plagosur si pasojë e një aksidenti të ndodhur pranë Qesaratit në Memaliaj.

Paraprakisht në aksident janë përfshira tre mjete, ndërsa të plagosur mbetën tre persona, ndërsa një grua ndodhet në gjendje më të rendë.

Dyshohet se shkak i aksidentit mendohet të ketë qenë parakalimi i gabuar i njërit prej mjeteve.

Support Ukraine