Kontrolle nga Policia Rrugore e Tiranës/ Ndëshkohen 93 drejtues mjetesh

Në zbatim të planit të posaçëm të masave, të hartuar nga Policia Rrugore e Tiranës, për kontrollin dhe verifikimin e mjeteve të tonazhit të rëndë dhe atyre të transportit publik, me objektivat madhorë përmbushjen e parametrave të sigurisë rrugore dhe parandalimin e aksidenteve, gjatë 24 orëve të fundit:

-janë kontrolluar dokumentacionet e rreth 200 mjeteve të tonazhit të rëndë (betoniere), autobusëve dhe furgonave.

Prej tyre, 93 mjete të tonazhit të rëndë dhe mjete për transport të përzier kanë rezultuar me parregullsi dhe drejtuesit e tyre janë ndëshkuar administrativisht. Konkretisht:

• 78 masa janë vënë për mjetet e tonazhit të rëndë, për qarkullim jashtë orarit të përcaktuar;
• 5 masa janë vënë për qarkullim pa certifikatë transporti me vete;
• 5 masa janë vënë për qarkullim pa certifikatën e kolaudimit;
• 4 masa janë vënë për qarkullim me të meta teknike;
• 1 masë është vënë për qarkullim me targa të palexueshme.

Policia njofton se kontrollet dhe verifikimet vijojnë.