Kavajë/ Makina përplaset me motorrin, një person humb jetën. Por ja se çfarë bëjnë shoferët

6 vjet, 5 muaj më parë - 24 Tetor 2017, Gazeta Shqiptare
Kavajë/ Makina përplaset me motorrin, një person humb jetën. Por ja se çfarë bëjnë shoferët
Një aksident ka ndodhur i tmerrshëm ka ndodhur sot në Kavajë.

Një shtetas me inicialet G.H duke drejtuar mjetin kamion tip "Mercedez Benz" (në pronësi të një firme), në mbikalimin e vorrezave në autostradë është përplasur me mjetin motoçikletë tip "Yamaha", me drejtues shtetasin Z.G., 28-vjeç, i cili si pasojë e përplasjes ka ndërruar jetë. Por ajo që është e pazakontë në këtë ngjarje është se shtetasi G.H 27-­vjeç, në bashkëpunim dhe më dy shtetas të tjerë kanë fshirë provat në vendngjarje duke zvëndësuar mjetin e aksidentit me një mjet tjetër.

Njoftimi i policisë:

Kavajë Aksidenton me pasojë vdekjen një shtetas dhe në bashkëpunim me dy shtetas të tjerë fsheh provat dhe prish vendngjarjen duke zvëndësuar mjetin e aksidentit me një mjet tjetër. Policia arreston autorin e aksidentit dhe dy bashkëpunëtorët e tij për veprime që pengojnë zbulimin e të vërtetës. Shërbimet e policisë Kavajë, pranë D.V.P. Tiranë, arrestuan shtetasit : G.H 27 vjeç, banues në fshatin Kazie, Kavajë. E.Ç 34 vjeç, banues në fshatin Luz i Vogël, Kavajë. G.C 48 vjeç, banues në fshatin Hajdaraj, Kavajë. Arrestimi i këtyre shtetasve u bë, pasi shtetasi G.H duke drejtuar mjetin kamion tip "Mercedez Benz" (në pronësi të një firme), në mbikalimin e vorrezave në autostradë është përplasur me mjetin motoçikletë tip "Yamaha", me drejtues shtetasin Z.G., 28 vjeç, i cili si pasojë e përplasjes ka ndërruar jetë. Më pas shtetasi G.H në bashkëpunim me shtetasit E.Ç dhe G.C, kanë hequr nga vendi i ngjarjes mjetin kamion me të cilin u shkaktua aksidenti dhe kanë sjell një tjetër mjet kamion tip "Benz", duke prishur dhe fshehur provat në vendngjarje. Materialet ju referuan Prokurorisë së Rrethit Gjyqësorë Kavajë në ngarkim të shtetasit G.H., për veprat penale "Shkelja e rregullave të qarkullimit rrugor" dhe "Pengime që pengojnë zbulimin e të vërtetës", parashikuar nga nenet 291 dhe 301 të Kodit Penal, ndërsa për shtetasit E.Ç., dhe G.C., për veprën penale "Pengime që zbulojnë zbulimin e të vërtetës", parashikuar nga neni 301 i Kodit Penal.

Support Ukraine