Kamioni përmbyset në “Rrugën e Kombit”, probleme qarkullimi në një nga korsitë! Zbulohet shkaku i dyshuar, shoferi…

Një makinë e tonazhit të rëndë, me targa AB891KA ka dalë nga rruga dhe është përplasur në vendin e quajtur Kolsh.

Nga raportimet e para mësohet se fatmirësisht drejtuesi i mjetit ka arritur të dalë nga mjeti.

Paraprakisht dyshohet se sistemi i frenimit ka qenë shkaku i ngjarjes.

Aksidenti ka shkaktuar vështirësi në qarkullimin rrugor, pasi një nga korsitë është bllokuar.

Policia Rrugore ka shkuar në vendngjarje për të nisur hetimet dhe disiplinuar trafikun, me qëllim kthimin në normalitet.

Aksidenti i rëndë në Fier, makina doli nga rruga dhe u përmbys në kanal! Policia jep detajet: Drejtuesi humbi jetën, shkak dyshohet…

Një aksident me pasojë vdekje ka ndodhur mesditën e sotme (28 maj) në rrugën e re drejt Darëzezës në Fier.

Një automjet pasi ka dalë nga rruga si pasojë e shpejtësisë tej normave të lejuara, ka përfunduar i përmbysur ne kanalin anësor të rrugës, duke sjellë vdekjen e menjëhershme të drejtuesit Gledis Çala.

“Në aksin rrugor Fier – Darëzezë, shtetasi G. Ç., 37 vjeç, duke drejtuar automjetin, dyshohet se ka humbur kontrollin mbi drejtimin e mjetit dhe ka dalë nga rruga. Si pasojë e daljes së automjetit nga rruga, drejtuesi i automjetit, shtetasi G. Ç., ka humbur jetën në vendngjarje. Grupi hetimor po punon për sqarimin e plotë të rrethanave dhe shkakut të aksidentit si dhe kohën e ndodhjes se ngjarjes”, bëri me dije policia vendore pas hetimeve paraprake të ngjarjes.

Në vendngjarje kanë mbërritur menjëherë shërbimet e policisë dhe shërbimet zjarrfikëse, të cilët po punojnë për nxjerrjen e trupit nga automjeti i shkatërruar totalisht.

Ndërsa  grupi hetimor po punon  për zbardhjen e plotë të shkaqeve të këtij aksidenti me pasoja fatale.