Ishte ndalur në korsinë e emergjencës për të folur në telefon/ Aksident tragjik në Selanik, i riu shqiptar përplas për vdekje 59-vjeçarin grek
Një aksident i rëndë ka ndodhur ditën e sotme në aksin Selanik-Athinë, ku ka humbur jetën një 59-vjeçar grek.
Sipas mediave greke, 59-vjeçari kishte ndalur automjetin e tij në korsinë e emergjencës për të folur në telefon, ndërkohë që makina e drejtuar nga një 26-vjeçar shqiptar i ka shkuar nga pas duke e përplasur, dhe për pasojë ka lënë të vdekur në vend të moshuarin.
I riu shqiptar u arrestua në vendngjarje nga policia helene, ndërsa hetimet paraprake po kryhen për shkaqet e aksidentit fatal.
