INSTAT: Rritet numri i aksidenteve për muajin Maj, më pak viktima

Sipas të dhënave të publikuara sot nga Instituti i Statistikave, këtë muaj janë shënuar më pak viktima nga aksidentet, në krahasim me një muaj më parë. Në fakt, Maji, së bashku me shkurtin shënojnë edhe muajt me me numrin më të culet të viktimave nga aksidentet rrugore: 16.

Sipas INSTAT: Gjatë muajit Maj, ashtu si në Mars numri i personave të vdekur nga aksidentet është 16. Në shkurt 2017, ishin 17 të vdekur ndërsa në Janar, 22, po qa sa në Prill.

Raporti për muajin Maj

Në Maj 2017 numërohen 176 aksidente rrugore. Në krahasim me Maj 2016, numri i aksidenteve është rritur me 17,3 %. Numri i të aksidentuarve është 240 persona nga 224 që ishte një vit më parë. Në pesëmujorin e parë 2017, numri i të aksidentuarve është ulur 4,0 %, krahasuar me të njëjtën periudhë të një viti më parë. Numri i personave të vdekur në Maj 2017 është 16. Krahasuar me mesataren e personave të vdekur gjatë vitit 2016, ky numër është ulur me 28,6 %.

Në Maj, aksidentet rrugore, në 73,3 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve është kryer nga grup mosha 25 – 35 vjeç duke zënë 30,1 % të numrit të aksidenteve rrugore dhe duke u rritur me 1,9 %, me të njëjtë periudhë të një viti më parë.

Në pesëmujorin e parë 2017, aksidentet rrugore të cilat kanë ndodhur si pasojë e sjelljes së drejtuesit të mjetit zënë 81,7 %, të rasteve. Numri më i lartë i aksidenteve është kryer nga grup mosha 25 – 35 vjeç duke zënë 29,6 %, të numrit të aksidenteve rrugore dhe duke u ulur me 4,5 %, me të njëjtë periudhë të një viti më parë. Në Maj 2017, numri të aksidentuarve për 100.000 banorë ishte afërsisht 8 persona. Krahasuar me mesataren e vitit 2016, ky numër u rrit me 3,4 %.