Humb kontrollin dhe makina del nga rruga,plagoset pasagjeri 17-vjeçar në Nikël
Një aksident është raportuar mesditën e sotme në aksin rrugor Buran Grepse-Nikël, ku një 29-vjeçar ka humbur kontrollin e automjetit që po drejtonte dhe për pasojë mjeti ka dalë nga rruga.
Paraprakisht bëhet e ditur se i plagosur ka mbetur pasagjeri, një 17-vjeçar me inicialet A.T., i cili ndodhet në spital nën kujdesin e mjekëve.
“Rreth orës 12:40, në aksin rrugor Buran Grepse-Nikël, shtetasi A. T., 29 vjeç, duke drejtuar automjetin, ka humbur kontrollin dhe mjeti ka dalë nga rruga. Për pasojë është dëmtuar pasagjeri, shtetasi A. T., 17 vjeç, i cili ndodhet nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit”-njofton policia.
