Gërvishtën mjetet në ‘Zog të Zi’, sherr dhe grushte mes shoferëve në mes të rrugës

Policia sqaron se pas përplasjes së dy makinave, shoferët dhe një tjetër person janë konfliktuar me grushte. Si pasojë e goditjeve, tre personat kanë marrë lëndime të lehta.

Njoftimi i policisë:

Ditën e sotme, rreth orës 18:45, afër rrethrrotullimit të Zogut të Zi, shtetasi A. H., 49 vjeç, banues në Dibër, dhe M. H., 23 vjeç, banues në Tiranë, kanë gërvishtur automjetin që drejtonte shtetasi E. Sh., 28 vjeç, banues në Tiranë. Pasi janë gërvishur dy mjetet, kanë dalë të dy palët duke u konfliktuar dhe kanë goditur njëri-tjetrin me grushte. Si pasojë e goditjeve kanë marrë dëmtime të lehta.

Të dy palët e përfshira në konflikt janë shoqëruar në komisariat dhe po punohet për sqarimin e rrethanave të ngjarjes.

Motomjeti pa targa del nga rruga në Shkodër, humb jetën 54-vjeçari

Një aksident i rëndë ka ndodhur mbrëmjen e sotme në aksin rrugor Shkodër – Velipojë.

Shtetasi Zef Lekvukaj, 54-vjeç duke drejtuar motomjetin e tij pa targa ka humbur kontrollin duke dalë nga rruga.

Si pasojë e këtij aksidenti drejtuesi i motomjetit ka ndërruar jetë.

Njoftimi i policisë:

Shkodër/Informacion paraprak.

Më datë 08.04.2023, rreth orës 22:20, në aksin rrugor Shkodër- Velipojë shtetasi Z. L., 54 vjeç, banues në fshatin Gomsige e Re, Velipojë duke drejtuar motomjetin e tij pa targa, ka humbur kontrollin mbi drejtimin e motomjetit dhe motomjeti ka dalë nga rruga.

Si pasojë drejtuesi i motomjetit shtetasi Z.L, ka ndërruar jetë.

Grupi hetimor po vijon punën për sqarimin e rrethanave të aksidentit.