Fshehu aksidentin fatal ku humbën jetën vëlla e motër, arrestohet shqiptarja në Kroaci

Siç konfirmojnë burime nga qarqet gjyqësore të Dubrovnikut, bëhet fjalë për një shqiptare me inicialet K. Y.

Pas aksidentit të 9 prillit, ajo ka qenë e shtruar në Spitalin e Përgjithshëm të Dubrovnikut, ku pas lëndimeve të lehta ka qenë nën vëzhgim, dhe pas daljes nga spitali është arrestuar dhe marrë në pyetje.

Aksidenti rrugor ka ndodhur kur 29-vjeçarja, e cila drejtonte një fuoristradë BMË me targa sllovake, ka parakaluar automjetin para saj në mënyrë të paligjshme, gjë që ka shkaktuar përplasje kokë më kokë me një makinë me targa Makarska.

Si pasojë e përplasjes kanë humbur jetën në vendngjarje, një 21-vjeçar dhe motra e tij 19-vjeçare.

Shqiptarja është dërguar në Prokurorinë Komunale të Shtetit në Dubrovnik më 12 prill, për kallëzim penal, për shkak të dyshimit të bazuar se ka kryer veprën penale të shkaktimit të aksidentit fatal rrugor.

Përkatësisht, Prokuroria Komunale e Shtetit në Dubrovnik i propozoi gjyqtarit hetues të Gjykatës së Qarkut në Dubrovnik që të dyshuarës t'i caktohet masa e paraburgimit, ndërsa gjyqtari hetues e pranoi propozimin.

Nisur nga fotot në rrjetet sociale, të cilat shpeshherë janë shumë provokuese, duket se shqiptarja bën një jetë luksoze.