Aksident në Qafë Kashar, furgoni i pasagjereve përplaset me barrierën ndarëse, raportohet për katër të lënduar

Sipas informacioneve paraprake, si pasojë e aksidentit kanë mbetur të plagosur katër persona, të cilët janë transportuar drejt QSUT-së, ku po marrin ndihmën mjekësore.

Mësohet se personat e plagosur kanë pësuar dëmtime në kokë dhe gjymtyrë.

Nga pamjet e siguruara shihet se furgoni ka pësuar dëmtime të konsiderueshme në pjesën e përparme, pas përplasjes me bordurën prej betoni që ndan korsitë e rrugës.

Nuk dihen ende rrethanat e plota të aksidentit, ndërsa pritet informacion i mëtejshëm nga autoritetet për gjendjen shëndetësore të të plagosurve dhe shkaqet e përplasjes.