Humbi jetën nga përplasja e fortë e dy makinave, identifikohet 62-vjeçari që po ecte me biçikletë

Bëhet fjalë për shtetasin Shkëlqim Krasniqi, 62 vjeç, banues në Shkodër.

Ndërkohë, grupi hetimor vijon punën për zbardhjen e plotë të rrethanave dhe shkaqeve të aksidentit.

Si ndodhi aksidenti

Siç shihet nga pamjet, personi me biçikletë ishte duke ecur në anë të rrugës, ndërsa paralel me të një makinë e bardhë Ford, që drejtohej nga shtetasi Fatbardh Lishi.

Ndërkohë përballa me shpejtësi vjen një makinë Benz, e drejtuar nga Adnand Galica, i cili sapo kishte bërë një parakalim, por për shkak të shpejtësisë është përplasur kokë më kokë me makinën tjetër.

Për pasojë humbi jetën personi me biçikletë, ndërsa dy shoferët mbetën të plagosur.

Shkodër/Informacion paraprak

Rreth orës 08:10, në unazën perëndimore të qytetit të Shkodrës, automjeti me drejtues shtetasin A. G. ka përplasur automjetin me drejtues shtetasin F. L. dhe më pas ka përplasur edhe një shtetas që lëvizte me biçikletë.

Si pasojë e aksidentit, ka humbur jetën shtetasi që lëvizte me biçikletë, rreth 50 vjeç, si dhe janë dëmtuar lehtë të dy drejtuesit e automjeteve.

Në vendngjarje ndodhen shërbimet e Policisë dhe grupi hetimor, të cilët po punojnë për sqarimin e rrethanave të aksidentit.

Aksidenti fatal në Shkodër ku humbi jetën 62-vjeçari, dalin pamjet e përplasjes tragjike! makina tenton parakalimin me shpejtësi dhe…

Pak orë pas aksidentit tragjik në Shkodër, ku mbeti i pajetë një 62-vjeçar në qytet, janë zbuluar edhe pamjet e përplasjes fatale.

Pikërisht këto pamje tregojë një kënd tjetër të aksidentit tragjik (21 maj) që i mori jetën Shkëlqim Krasniqi, që udhëtonte me biçikletë.

Makina e përfshirë në aksident tenton të parakalojë një tjetër mjet që ndodhet para, teksa përballë ka një tjetër në korsinë në krah, duke ecur me shpejtësi të lartë (foto poshtë).

E gjithë ngjarja është fiksuar nga një automjet tjetër që ecte përballë makinës që u përfshi në aksident.

Përplasja ka qenë tepër e fortë. Për pasojë, 62-vjeçari Shkëlqim Krasniqi, i cili po lëvizte biçikletë ndërroi jetë dhe u plagosën rëndë dy shoferët e makinave, të cilët u dërguan për ndihmë mjekësore në Spitalin Rajonal të Shkodrës.

Policia tha se po punon për zbardhjen e shkaqeve të aksidentit dhe po kryen veprimet hetimore proceduriale ndaj drejtuesit të dyshuar, në gjendje spitalore.