“Edlira mbrojti me trupin e saj djalin”, Halil Koka udhëtonte me 130 km në orë

Halil Koka drejtuesi i automjetit, që shkaktoi aksidentin, ishte duke udhëtuar me shpejtësi mbi 130 kilometra orë. Përgjatë autostradës Plepa-Kavajë, limiti maksimal i lejuar i shpejtësisë është 90 kilometra në orë.

Në vendin ku ndodhi ngjarja tragjike për familjen Pisku, drejtuesi i automjetit tip "Toyota Corolla", Halil Koka ishte duke udhëtuar me mbi 40 kilometra në orë më shumë se limiti i lejuar prej në 90 kilometrash.

Koka tentoi të mashtronte Policinë, duke i kërkuar pasagjeres që udhëtonte me të, Ilda Parroj, të merrte fajin përsipër, sikur ajo ishte në drejtim të automjetit.

Fillimisht 30-vjeçarja ka pranuar, por pas shumë dëshmive në vendin e ngjarjes uniformat blu zbuluan se drejtuesi i makinës Toyota ishte Halil Koka. Ky i fundit ka pranuar se ka qenë ai shofer dhe ka thënë se makina i doli jashtë kontrollit për shkak të lagështirës në rrugë.