Denoncimi tek Berisha/ Makina merr përpara 4 persona, “policia fsheh kriminelin”, gjithçka ndodh mbi vijat e bardha

8 Shkurt 2021 - Gazeta Shqiptare

Ish-kryeministri Sali Berisha ka publikuar sot pamje nga një aksident i regjistruar në Vlorë, ku shihet se si automjeti merr para disa qytetarë që po ecnin tek vijat e bardha.

Sipas dëshmisë që Berisha ka publikuar në ‘Facebook’ thuhet se ngjarja ka ndodhur mbrëmjen e 24 janarit.  Siç shihet në pamje, një prej të plagosurve, konkretisht një grua, merret me forcë para nga makina, ndërsa kjo e fundit nuk ndalon dhe largohet nga vendi i ngjarjes.

Ndër të tjera, thuhet se dhe pse kan kaluar 10 ditë nga aksidenti policia akoma nuk ka bërë as identifikimin e personit dhe as të makinës.

DENONCIMI TEK BERISHA

Makina shtype 4 vete ne mes te Vlores!

Narkopolicia fsheh prej 10 ditesh kriminelin!

Shikoni videon e aksidentit dhe lexoni mesazhin e familjarit dixhital! sb

Përshëndetje doktorr.

Në radhë të parë ju uroj shendet.

Doktorr dua tu informoj për një hall të madh që na ka zënë.


Doktor im vëlla quhet Rexhep Llaçaj dhe është prej 20 vjetësh punonjës i policisë së shtetit në Vlorë tani kan disa muaj që e kan transferuar në Himarë vetëm e vetëm sepse unë shkruaj kundra qeverisë.

Por ky nuk është problemi kryesorë.

Problemi yn është sepse në dt 24.01.2021 në rrugën transballianike te rrethrrotullimi i shkollës së naftës te vizat e bardha në orën 21:00 një makinë na shtypi kunatën dhe mbesën, nusen e Rexhepit dhe vajzën.

Majlinda dhe Lesina Llaçaj, dhe pse kan kaluar 10 ditë nga aksidenti policia akoma nuk ka bërë as identifikimin e personit dhe as të makinës.

Kunata ka politrauma dhe ka qenë në gjendje kritike për jetën dhe ndodhet akoma te spitali i traumës në Tiranë.

Si ka mundësi që ky shtet mos ta gjej akoma personin.

Po ju drejtohem juve doktorr sepse ju mbeteni akoma shpresa jonë.

Po ju nis dhe vidjon se si makina shtyp nusen e vllait dhe mbesen dhe dy çunat e vllait qe i qepen makinës nga mbrapa por nuk arrijn ti shofin targat dhe shofin maman e tyre se si u fluturon në ajërfëmijët kan kaluar traum dhe këta akoma nuk po e gjejnë ose nuk duan ta gjejnë.