Bëhen burim aksidentesh, gjobë për motoristët dhe pasagjerët e tyre që nuk veshin jelekë fosforishent

Specialistja e trafikut, Olta Lami thotë se kjo kategori shpeshherë bëhet edhe burim aksidenti në rrugë.

Masa ndëshkimore, masa administrative që merret për këtë kategori varion nga 1 mijë deri në 3 mijë lekë të reja dhe kjo vlen edhe për drejtuesit e motomjeteve dhe për pasagjerët.

Detyrimi ligjor për këtë kategori motomjetesh është që ta përdorin jelekun forforishent në kushtet e errësirës. Duke qenë se numri i tyre është në rritje sidomos në oraret e mbrëmjes dhe janë të shpeshta lëvizjet e tyre dhe kryejnë manovra të rrezikshme në rrugë, siç janë parakalimet e gabuara, mosrregullimi i shpejtësisë, përdorimi i sinjalistikës në mënyrën e duhur, apo lëvizja në sens të kundërt në shumë akse rrugore, kanë sjellë që këta përdorues të rrugës të shkaktojnë një numër të lartë të aksidenteve, të cilat fatkeqësisht kanë pasur ndonjëherë edhe pasoja të rënda.

Apelon që jelekët fosforeshentë të përdoren edhe nga drejtuesit e monopatinave që jo pak herë bëhen burim aksidentesh.

Kodi Rrugor parashikon që jelekët fosforishentë në kushtet e errësimit të përdoren vetëm nga drejtuesit e motomjeteve, por ne u bëjmë apel që të përdoren edhe nga drejtuesit e mjeteve me pedale dhe nga përdoruesit e monopatinave të cilët janë një numër i lartë përdoruesish të rrugës, që të mbajnë një lejek fosforishent në mënyrë që të jenë të dukshëm. Gjithashtu apelohen ehde drejtuesit e mjeteve që konstatojnë se kanë një defekt teknik dhe ndalojnë në rrugë, përveç trekëndëshit të sigurisë, është mirë të përdorin edhe jelekun fosforishent në mënyrë që të mos bëhet burim aksidenti, apo viktimë e një aksidenti.

Gjatë këtyre dy javëve, janë ndëshkuar me gjobë edhe 10 drejtues motomjetesh të pa pajisur me leje drejtimi dhe me mjete të modifikuara, si dhe 32 të tjerë për mangësi në dokumentacion. 

Fuoristrada përplaset me furgonin në aksin Thumanë-Fushë Krujë: 2 të lënduar, një prej shoferëve i bllokuar në automjet

Një aksident ka ndodhur mëngjesin e së hënës pranë fshatit Devren në aksin e rrugës Thumanë-Fushë Krujë.

Gazetari Ahmet Zani mëson se një fuoristradë është përplasur me një furgon mallrash.

Për pasojë, të lënduar kanë mbetur dy persona, një prej të cilëve ndodhet ende i bllokuar në furgon. Shoferin e lënduar janë duke punuar për ta nxjerrë forcat zjarrfikëse.

Aksidenti me dy të lënduar në aksin Thumanë-Fushë Krujë, nxirret shoferi i bllokuar në furgon

Forcat zjarrfikëse kanë mundur që të nxjerrin shoferin e një furgoni që kishte mbetur i bllokuar në automjet pas një aksidenti. Ngjarja ka ndodhur mëngjesin e së hënës pranë fshatit Devren në aksin e rrugës Thumanë-Fushë Krujë. Mësohet se drejtuesi i mjetit ndodhet në gjendje të rëndë shëndetësore.

Aksidenti ndodhi rreth një orë më parë kur një fuoristradë u përplas me një furgon mallrash. Shkaqet e aksidentit nuk ndihen ende ndërsa i lënduar mbeti dhe një person tjetër.

NJOFTIMI

Krujë/Informacion paraprak

Mëngjesin e sotëm, në Derven, Krujë, automjeti me drejtues shtetasin F. M. është përplasur me një furgon mallrash, me drejtues shtetasin L. M., 62 vjeç. Si pasojë janë dëmtuar dy drejtuesit e automjeteve, të cilët ndodhen në spital, nën kujdesin e mjekëve.