Lezhë - Aksidenti me një viktimë

Një automjet tip “Kamion”, i drejtuar nga shtetasi 28 vjeç, është përplasur me një motomjet me drejtues shtetasin, 51 vjeç. Si pasojë e përplasjes së fortë u plagos drejtuesi i motomjetit. Drejtuesi i motomjetit, Arben Tanushi mësohet se ka ndërruar jetë në spital. Siç shihet edhe nga pamjet policia ndodhet në vendin e ngjarjes, ndërsa motomjeti ka përfunduar poshtë kamionit.

Sakaq grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.

Ndërsa drejtuesi i kamionit është shoqëruar në Komisariat për  veprime të mëtejshme procedurale.

Rrezikuan mbytjen në Velipojë, Policia shpëton dy turiste kroate

Policia shqiptare dhe ajo malazeze kanë shpëtuar dy turiste kroate, të cilat rrezikonin mbytjen në det.

Sipas policisë, ka qenë një shtetas francez, i cili ka dalë me not në breg të detit në Pulaj, (plazh i Velipojës) dhe ka kërkuar ndihmë për dy turiste nga Kroacia.

Ata po lundronin me mjetin e tyre dhe si pasojë e dallgëve të shumta mjeti ka hyrë në thellësi dhe për këtë shkak u rrezikohej seriozisht jeta.

Shërbimet e Policisë në bashkëpunim me Postën Kufitare Velipojë dhe me ndihmën e Policisë Malazeze të cilët ndërhynë menjëherë me helikopter dhe një mjet lundrues, bënë të mundur nxjerrjen nga deti me një mjet lundrues të Policisë malazeze të dy turisteve kroate, të cilat po dërgohen për ndihmë mjekësore në Ulqin, jashtë rrezikut për jetën.

Motori del nga rruga, plagoset 71 vjeçari në Shkodër

Një aksident është shënuar këtë të diel rreth orës 19:00 në aksin rrugor Shkodër-Koplik.

Një motor ka dalë nga rruga dhe për pasojë është dëmtuar drejtuesi 71 vjeçar.

I moshuari ndodhet në spital nën kujdesin e mjekëve.

Aksident në Shëngjin, përplasen dy motomjete. Raportohet për një të plagosur

Një aksident ka ndodhur sot rreth orës 15:00 në rrugën e Kunës në Shëngjin, ku janë përplasur dy motora.

Si pasojë e aksidentit, njëri nga drejtuesit është dërguar në spital për të marrë ndihmën e nevojshme mjekësore. Ende nuk dihen rrethanat dhe shkaqet e sakta të ngjarjes, ndërsa policia rrugore ka mberritur ne vendngjarje dhe ka nisur hetiet për të zbardhur detajet.

Aksidentoi për vdekje 2-vjeçarin, arrestohet drejtuesi i automjetit

Policia ka arrestuar një 58-vjeçar, i cili dyshohet si personi, që ka përplasur me makinë për vdekje një fëmijë 2 vjeç në Fushë-Domje.

Drejtuesi i automjetit është shoqëruar në komisariat për veprime të mëtejshme procedurale.

Gjithashtu, është bërë gjetja dhe sekuestrimi i automjetit tip “Benz” me të cilin ky shtetas shkaktoi aksidentin.

Autoritetet po punojnë për sqarimin e plotë e rrethanave dhe shkakut të aksidentit.

Makina përplas për vdekje 2-vjeçarin në Fushë-Domje

Një 2-vjeçar është aksidentuar për vdekje në Fushë-Domje.

Policia thotë se fëmija është përplasur nga një automjet në rrugë duke e lënë fillimisht të lënduar.

Familjarët menjëherë e kanë transportuar të miturin  për ndihmë në Spitalin e Traumës, por nuk ka mundur t’u mbijetojë plagëve të marra.

Grupi hetimor po punon për sqarimin e plotë e rrethanave të rastit.

Aksident në Fier, përplasen dy automjete

Një aksident rrugor ka ndodhur pak minuta më parë në aksin Fier-Patos, pranë Drejtorisë Vendore të Policisë. Dy automjete, një tip “ Benz” dhe tjetri “ Volswagen” janë përplasur duke shkaktuar dëme të konsiderueshme materiale.

Ende nuk dihet nëse ka të lënduar. Në vendngjarje ka mbërritur policia dhe grupi hetimor për të përcaktuar shkaqet e aksidentit.

Ky aks dallohet për trafikun e madh të automjeteve veçanërisht gjatë ditëve të festave, ndërkohë që njihet edhe si njollë e zezë për shkak të aksidenteve të shumta, jo pak herë me pasoja fatale.

Aksident në Vlorë, shoferi humb kontrollin e mjetit dhe përplas 5 makina të parkuara

Një aksident ka ndodhur në hyrje të Vlorës. Mësohet se drejtuesi i automjetit tip “porche” që ka shkaktuar aksidentin lëvizte me shpejtësi të lartë.

Sipas policisë drejtuesi ka humbur kontrollin duke goditur 5 mjetet e parkuara dhe me pas është përmbysur, në anë të rrugë.

Drejtuesi i mjetit ka marrë dëmtime të lehta.