Aksidenti me motor që i mori jetën të riut nga Laçi, përlot e afërmja: Pse zoti…?

17-vjeçari Klajdi Leka, nga Laçi por që jetonte në Milano po udhëtonte me një skuter, kur edhe u përplas me një makinë në një kryqëzim mes D'Annuzio dhe Parini, në Seggiano.

Ndërkohë që policia po vijon ende punën për të zbardhur dinamikën e saktë të kësaj tragjedie, familja Leka ka hapur dyert e mortit dhe të premten trupi i Klajdit pritet të mbërrijë në Shqipëri.

I gjithë komuniteti në Pioltello, ku jetonte Klajdi është tronditur nga humbja e tij.

Zija dhe trishtimi ka pllakosur në familjen Leka, ndërsa të afërmit shprehin dhimbjen e madhe në rrjetet sociale. Një afërme e Klajdit ka rrëqethur me postimin e saj. "Pse zoti të mori mor Klajdi, s'të la midis nesh. Të thirri për vete, t'i preu ëndrrat në mes. Nuk më besohet mor zot, më duket si një ëndërr. I madhi zot të pastë afër vetes. Do na mungosh gjithmonë".

17-vjeçari Leka dyshohet se teksa udhëtonte me motor ka hasur një pengesë në rrugë, që e ka bërë motorin të kërcejë në ajër, ndërsa i riu ka fluturuar disa metra më tutje duke përfunduar në trotuar, e për pasojë ka humbur jetën.