Aksidenti ku vdiqën 7 tifozët e PAOK-ut grek, media rumune raporton edhe për gjetjen e drogës në furgonin e tragjedisë!
Aksidenti ndodhi ndërsa tifozët po udhëtonin me një furgon për në Francë, për të parë ndeshjen e ekipit të tyre të preferuar.
Por media rumune ka dalë sot me një informacion të ri, ku flitet edhe për posedim droge sipas ekspertimit të kryer.
Sipas medias rumune “Digi24.ro”, autoritetet kanë zbuluar lëndë narkotike në automjet, gjë që hap fusha të reja hetimi dhe pista mbi sjelljen e pasagjerëve dhe shoferit para përplasjes fatale.
Nga ana tjetër, i pyetur për këtë çështje nga media greke, ambasadori i Greqisë tha se:
“Nuk kam informacion zyrtar për atë që po shkruajnë mediat rumune”.
Por nëse informacioni konfirmohet zyrtarisht më tej, kjo do i jepte një kthesë të fortë edhe hetimeve të ngjarjes, për shkakun dhe dinamikën e përplasjes së dhunshme mes mjeteve dhe gjendjen fizike të drejtuesit të furgonit.
Në aksidentin tragjik udhëtonin edhe dy shqiptarë, pjesë e grupit të tifozëve të PAOK-ut që do shkonin në Francë për ndeshjen me Lionin.
Në pamjet e publikuara të dinamikës së çuditshme të aksidentit, mjeti furgon shihet në parakalim dhe më pas në përplasje me një kamion mallrash, pa asnjë shenjë frenimi apo lëvizje të timonit.
