Aksident tragjik në Fushë-Kuqe, humb jetën fëmija dy vjeçar

1 vit, 5 muaj më parë - 25 Janar 2023, Gazeta Shqiptare
Aksident tragjik në Fushë-Kuqe, humb jetën fëmija dy vjeçar
Një aksident i rëndë ka ndodhur në Fushë Kuqe, ku për pasojë ka ndërruar jetë një dy vjeçar. Policia ndodhet në vendngjarje por ende nuk dihen shkaqet e aksidentit.

Mësohet se dy makina janë përplasur me njëra tjetrën në kryqëzimin e Fushë Kuqes dhe se ka persona të dëmtuar në të dyja automjetet.

Kurbin/Informacion paraprak

Rreth orës 18:00, në aksin rrugor dytësor Laç-Fushe Kuqe, në vendin e quajtur ” Kryqëzimi i Fushe Kuqes”, janë përplasur automjeti me drejtues shtetasin E. T. me automjetin me drejtues shtetasin A. R.

Për pasojë janë dëmtuar drejtuesi A. R. dhe pasagjeria I. R. të cilët janë dërguar në spital për ndihmë mjekësore, si dhe ka ndërruar jetë fëmija i mitur 2 vjeç.

Grupi hetimor vazhdon veprimet në vendngjarje për zbardhjen e plotë të rrethanave të aksidentit.

Aksidentohen dy automjete në Rrugën e Arbrit , plagosen dy persona

Një aksident ka ndodhur sot pasdite në Rrugën e Arbrit ku kanë mbetur të plagosur dy persona.

Sipas policisë së Tiranës, dy automjete janë përplasur me njëra-tjetrën, e për pasojë mbetën të plagosur drejtuesit e makinave, shtetasi J. A., 34 vjeç dhe shtetasja D. M., 38 vjeçe.

Ata janë dërguar menjëherë në spital ku ndodhen nën kujdesin e mjekëve. Policia ndodhet në vendngjarje dhe po punon për zbardhjen e plotë të aksidentit.

Tiranë/Informacion paraprak

Më datë 24.01.2023, në Rrugën e Arbrit, janë përplasur automjeti me drejtues shtetasin J. A., 34 vjeç, me automjetin me drejtuese shtetasen D. M., 38 vjeçe.

Si pasojë e aksidentit janë dëmtuar të dy drejtuesit e automjeteve dhe ndodhen në spital, nën kujdesin e mjekëve, jashtë rrezikut për jetën.

Grupi hetimor po punon për sqarimin e rrethanave të aksidentit.

Support Ukraine