Aksident në Sukth, përplasen 5 automjete! Trafik i rënduar në aksin Tiranë-Durrës

Përplasja ka ndodhur mesditën e kësaj të diel në zonën e Sukthit. Nga përplasja ka pasur vetëm dëme materiale.

Si pasojë, në autostradë është krijuar një radhë e gjatë automjetesh.

Aktualisht autostrada është hapur dhe po tentohet normalizimi i trafikut.

E rëndë në Bulqizë, kamionçina me gurë rrëshket dhe bie mbi një banesë! Humb jetën pronari 55-vjeçar

Një ngjarje e rëndë ka ndodhur këtë të diel në Bulqizë. 55-vjeçari Izmir Dumani ka humbur jetwn pasi një automjet kamionçinë ka rrëshkitur dhe ka rënë në banesën e tij.

Në fshatin Shtushaj në Bulqizë, shtetasi A.T., 39 vjeç,  duke ngarkuar  automjetin e tij tip kamionçinë me gurë, nuk ka siguruar mirë automjetin dhe si pasojë automjeti ka rrëshkitur  duke rënë në banesën e shtetasit  I.D.,  rreth 55 vjeç.

Shtetasi I.D, në momentin e rënies së automjetit ndodhej në oborrin e banesës dhe  për pasojë ka humbur jetën, pasi e ka goditur  automjeti.

Drejtuesi i automjetit është shoqëruar në Komisariatin e  Policisë Bulqizë për veprime të mëtejshme.

Grupi hetimor ndodhet në vendngjarje dhe po punon për zbardhjen e plotë të rrethanave të këtij aksidenti.