Aksident në Shkodër, 65-vjeçari përplas me makinë këmbësoren. E plagosura niset me urgjencë në spital
Një aksident rrugor ka ndodhur mëngjesin e sotëm në Shkodër, në afërsi të sheshit ‘Demokracia’ ku e plagosur ka mbetur një këmbësore.
Mësohet se shtetasi me iniciale A. R., 65 vjeç me automjetin e tij ka përplasur këmbësoren, N. Gj., 55 vjeçe e cila është nisur me urgjencë në spital.
Ndërsa shoferi është shoqëruar në komisariat.
Njoftimi i policisë:
Shkodër/Informacion paraprak
Rreth orës 09:50, në sheshin “Demokracia”, shtetasi A. R., 65 vjeç, duke drejtuar automjetin, ka përplasur shtetasen N. Gj., 55 vjeçe (këmbësore), e cila po merr aktualisht ndihmën mjekësore, në Spitalin Rajonal Shkodër.
65-vjeçari është dërguar në ambientet e Komisariatit të Policisë Shkodër, për kryerjen e veprimeve të mëtejshme procedurale.
Grupi hetimor vijon punën për zbardhjen e plotë të rrethanave të aksidentit.
Lajmet përkatëse
