Aksident në autostradën Durrës-Tiranë/ Plagosen 4 persona

1 muaj më parë - 17 Mars 2024, CNA
Aksident në autostradën Durrës-Tiranë/ Plagosen 4 persona
Një aksident është regjistruar rreth orës 20:15, në autostradën Durrës-Tiranë.

30-vjeçari me iniciale M. Ç., duke drejtuar automjetin, ka humbur kontrollin dhe është përplasur me një shtyllë në një karburant.

Si pasojë janë dëmtuar shoferi M. Ç dhe pasagjerët K. G, N. V dhe E. V, të cilët ndodhen nën kujdesin e mjekëve.

Ndërkohë, grupi hetimor ndodhet në vendngjarje dhe po punon për sqarimin e rrethanave të aksidentit.

Aksident në Durrës, një viktimë

Një aksident i rëndë ka ndodhur mëngjesin e së enjtes në Gjepalaj të Durrësit. Sipas burimeve nga policia, viktimë ka mbetur një 70-vjeçare, e cila është përplasur nga një makinë.

Mësohet se drejtuesi i mjetit dhe viktima janë fqinjë dhe banorë të fshatit Gjepalaj. Policia ndodhet në vendin e ngjarjes dhe po kryen hetimet për rastin.

Në polici është shoqëruar shoferi i mjetit.

Shijak/ Shoferi humb kontrollin e mjetit dhe përfundon në lumë

Një aksident ka ndodhur ditën e sotme në Shijak, ku si pasojë ka mbetur i lënduar një person.

Sipas uniformave blu mësohet se shtetasi E. Sh, dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga dhe ka rënë në lumë.

Aktualisht i riu ndodhet jashtë rrezikut për jetën.

“Shijak/Informacion paraprak

Rreth orës 17:50, në lagjen “Prizëreni”  Shijak, shtetasi  E. Sh, dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga dhe ka rënë në lumë.

Shtetasi E. Sh, ndodhet nën kujdesin e mjekëve jashtë rrezikut për jetën”, njofton policia.

Grupi hetimor ndodhet në vendngjarje dhe po punon për sqarimin e rrethanave të aksidentit.

Support Ukraine