Aksident i “frikshëm” në Lezhë/ Makina përfundon brenda një biznesi, ndërron jetë 24-vjeçari

4 Janar 2021 - Gazeta Shqiptare

Aksident i “frikshëm” në Lezhë/ Makina përfundon brenda një biznesi, ndërron jetë 24-vjeçari

Një aksident me pasojë vdekjen është regjistruar në orët e para të mëngjesit të sotëm në superstradën Lezhë-Milot.

Ngjarja ndodhi rreth orës 3 të mëngjesit, pranë kryqëzimit të Ishull-Shëngjinit. Gazetari Elidon Ndreka raporton për ‘BalkanËeb’ se një automjet tip ‘Benz’ ku udhëtonin dy persona ka dalë nga rruga dhe ka përfunduar në një biznes në anë të sajë.

Për pasojë ka ndërruar jetë 24-vjeçari me inicialet D.D, i cili drejtonte mjetin, ndërsa pasagjeri, shtetasi me inicialet N.P., është transportuar në spitalin e Traumës ne Tiranë.

Në orët e para të mëngjesit,në aksin rrugor Lezhë -Milot, në Ishull Lezhë, drejtuesi i mjetit tip “Benz” shtetasi D.D.,24 vjeç ,banues në Lezhë ka humbur kontrollin e mjetit duke dalë nga rruga.

Si pasojë e përplasjes ka gjetur vdekjen drejtuesi i mjetit shtetasi D.D. dhe ka marrë dëmtime pasagjeri shtetasi N.P.,i cili është transportuar në spitalin e Traumës, Tiranë. Grupi hetimor në vendngjarje punon për sqarimin e plotë të shkakut dhe rrethanave të ngjarjes.