Aksident i frikshëm në ‘Institut’, përmbyset “Range Rover”, plagoset rëndë një person!
Një aksident i rëndë ka ndodhur mëngjesin e sotëm në zonën e Institutit në Tiranë, ku një makinë tip “Range Rover” është përmbysur. Dyshohet se shkak i aksidentit ka qenë shpejtësia e lartë.
Nga informacionet paraprake raportohet se një person është plagosur rëndë. Nuk dihet nëse kishte persona të tjerë në makinë.
Sikurse raporton abcnews, aksidenti ka shkaktuar trafik të rëndë nga Instituti në drejtim të Kamzës. Policia ndodhet në vendin e ngjarjes.
