20-vjeçari humb kontrollin e mjetit, përplas një makinë merr përpara edhe policin

5 Maj 2020 - Gazeta Shqiptare

20-vjeçari humb kontrollin e mjetit, përplas një makinë merr përpara edhe policin

Një punonjës policie është përplasur nga një automjet ditën e sotme, në hyrje të Vorës.

Nga sa mësohet, një polic me inicialet R.Q ishte duke kontrolluar një makinë pa targa dhe në këtë moment një makinë ka dalë nga rruga, duke e përplasur.

Policia sqaron se automjeti i drejtuar nga shtetasi me iniciale M. B ., 20 vjeç, ka humbur kontrollin si rezultat i shpejtësisë dhe për pasojë ka goditur një automjet të ndaluar jashtë rruge, si dhe punonjësin e Policisë Rrugore me iniciale R. Q..

Punonjësi i Policisë është dërguar menjëherë në spital dhe nga sa mësohet ndodhet nën kujdesin e mjekëve.

Të dy drejtuesit e mjeteve të përfshirë në aksident janë shoqëruar në ambientet e Komisariatit të Policisë Vorë, për veprime të tjera hetimore.

Vijon puna për zbardhjen e rrethanave të ngjarjes.

Shiteni Makinën Tuaj